ന്യൂഡല്ഹി: കേരളം ബില് 2026 പാസാക്കി ലോക്സഭ. സംസ്ഥാനത്തിന്റെ പേര് ഔദ്യോഗികമായി കേരളം എന്നാക്കി മാറ്റുന്നതിനുള്ള ബില്ലാണ് ഇന്ന് ലോക്സഭ പാസാക്കിയത്. കേന്ദ്ര ആഭ്യന്തര സഹമന്ത്രി നിത്യാനന്ദ റായ് ആണ് ബില്ല് അവതരിപ്പിച്ചത്. പ്രതിപക്ഷത്തിന്റെ പ്രതിഷേധത്തിനിടയില് ചര്ച്ചകളില്ലാതെയാണ് കേന്ദ്രം ബില്ലിന് അംഗീകാരം നല്കിയത്.
ആറ് മിനിറ്റുകള് കൊണ്ടാണ് നടപടി ക്രമങ്ങള് കേന്ദ്രം പൂര്ത്തിയാക്കിയത്. കേരളത്തില് നിന്നുള്ള കോണ്ഗ്രസ് അംഗങ്ങള് പോലും ചര്ച്ചയില് പങ്കെടുക്കുന്നില്ല എന്ന് നിത്യാനന്ദ റായ് സഭയില് പറഞ്ഞു. എഐസിസി ജനറല് സെക്രട്ടറി കെ സി വേണുഗോപാല് എംപി പോലും കേരളം ബില് ചര്ച്ചയില് പങ്കെടുക്കുന്നില്ലെന്ന് കേന്ദ്ര മന്ത്രി കിരണ് റിജിജുവും വിമര്ശിച്ചു.
Content Highlights: The Lok Sabha has passed the Kerala (Alteration of Name) Bill, 2026, paving the way for the state to be officially renamed Keralam